انا الجنّي .. مدوّن بسيط .. مانيش اكاديمي و مانيش مختصّ في السياسة .. و هاذا ما يمنعنيش من الادلاء بآرائي طالما اني التزم الاحترام و اطالب به
حبيت نسوق جملة من الملاحظات الى المدوّن عاشور الناجي اللي عندي مدة نتابع فيه . لكن ما نجّمتش نحطّو في خانه معينه ، موش خانة متاع تصنيف سلبي و طوابير .. لا .. ابدا .. اما حبيت نعرف انت شكون ؟ و انت وين من قضايانا
حبيت نسوق جملة من الملاحظات الى المدوّن عاشور الناجي اللي عندي مدة نتابع فيه . لكن ما نجّمتش نحطّو في خانه معينه ، موش خانة متاع تصنيف سلبي و طوابير .. لا .. ابدا .. اما حبيت نعرف انت شكون ؟ و انت وين من قضايانا
على خاطر انا عرفت مدونين اسلاميين .. واضحين .. و يساريين .. و عروبيين .. ليبراليين .. و مستقلين لكنّهم يشتركو مع هاذا و الا هاذاكه في بعض النقاط
كل المدونين تقريبا يكتبو في مختلف المواضيع
كل المدوّنين كيما يطّرّقوا لفلسطين و الحرب ..يطّرقوا زادا لقضايانا الوطنية .. و ينقدو و يعبّروا على استياءهم من السياسات و البرامج المتبعة
الا انت .. فقط هاو فاش لاحظتك تحبّ تحكي ، و بشكل مطّرد ياسر و منتظم وكثيف
انا لاحظت انك في اغلب تدويناتك يا إمّا تبرّإ في إسرائيل من الجرايم ، سواء ارتكبتها: اعتداءات غزة ، أو لم ترتكبها .. هي او اسلافها "اليهود" : مقتل الحسين.. رغم انّا ما نّجّموش نجزمو بذلك
و في المقابل لاحظت انّك هالتبريء اللي انت تمارس فيه ديمه لاسرائيل ديمه ترفقو بتضخيم ليها و بتلميع و تثمين لديمقراطيتها و حداثتها و تفوّقها .. في حين انها اسوأ نموذج متاع تطرف و تعصّب
لاحظت كذلك انّو هالتمجيد اللي ديمه يشعّ من تدويناتك لاسرائيل يكون زادا مرفق بتقزيم و تشويه و سخرية من أيّة حركة مقاومه ، او تضامن مع هالمقاومة
و في المقابل لاحظت انّك هالتبريء اللي انت تمارس فيه ديمه لاسرائيل ديمه ترفقو بتضخيم ليها و بتلميع و تثمين لديمقراطيتها و حداثتها و تفوّقها .. في حين انها اسوأ نموذج متاع تطرف و تعصّب
لاحظت كذلك انّو هالتمجيد اللي ديمه يشعّ من تدويناتك لاسرائيل يكون زادا مرفق بتقزيم و تشويه و سخرية من أيّة حركة مقاومه ، او تضامن مع هالمقاومة
ياخي ، و سامحني على صيغة السؤال التحقيقية شويّه هههه انت شكون ؟؟ انت شنوّة ؟؟؟
17 commentaires:
we7ed meskin , méchi fi belou elli houwa akthar insen 3ab9ari w thki, mela!!!!!!!!!! 9alek este3mél el 3a9l, médabia ken yesta3mal 3a9lou wi yafasrelna kifech te5la9, w kifech ha sma m3al9a,w 3lech a7na 3an 3a9l w l7yawénet lé,....................,
لا يا انونيم .. هو هكاكه حرّ في معتقداتو الشخصية.... انا اسئلتي ليه سياسية بالاساس
Tu dois relire les post de achour, c'est vrai que la critique de l'islam est omniprésente mais il a écrit quelques posts critiquant la politique de notre pays, perso j'ai beaucoup aimé sa réponse à nawfel 9azwardi.
achour est un tunisien comme toi et moi. Je ne vois pas ween houa 9a3ed ymajjed fi israel?
مرحبا بـوبــــاله،
حسنا
بما أنك على ما يبدو لم تقرأردودي على مدونتي بخصوص أسئلتك و لا على مدونة براستوس أو قرأت و لم تفهم أو لم تصدّق أنّي لا أمجد لا اليهود و لا اليهودية و لا اسرائيل و لا الصهيونية و أقر بحق المقاومة الوطنية الشريفة للمحتل الأجني ، و لم تقرأ نقدي للدروشة اليهودية و المسيحية و لا وصفي لإسرائيل بدولة عنصرية بغيضة على حافة الفاشية - مما لا يعني نكران تفوقها و ضرورة النقد الذاتي من جانبنا -
لذلك سأعطيك الإجابة التي تبحث عنها و أكيد ستصدقها ،
اسمي الحقيقي نينو بن متشولح بن عميتاي من سبط لاوي و أعمل في الموساد بوضيفة مدوّن مهمّته التآمر على مستقبلكم و التشكيك في عقيدتكم لأنها سرّ قوّتكم فنحن نرتعش خوفا من دعائكم علينا أو أن يشي بنا شجر الغردق ،
هل تصدقني الآن
شنوّة انت ؟ ولات حاجة توه ماعادش شخص
باهي
أنا مؤسسة صهيونية و طابور خامس و حشرة و قملة و شلاكة و شبه مثقف غبي و أحمق كذلك ، و هذه فقط عيّنة ممّا جادت به قريحة البعض و ما خفي كان أنتن ،
ايه قبل ما ننسى
مبروك الحصان
و آنستوا
هذا باب و سكرته
لا لا، عاشور يساري، قرأ نيشة و ماركس و قت إلّي كان صغير و ترنكوش. لكن حاشم ما يحبّش يقول. و الأخرين يغطّيو عليه، باش سمعة اليسار ما تفسدش. خاطر اليسار عندو سمعة قويّة برشة
:)))))))))
مع الأسف الشديد ألاحظ في هذه التدوينة نفس التمشي الذي يسلكه جماعة مدونة الطابور الخامس و عديد المعلقين أي هناك تبسيط شديد و الإقرار بأشياء غير صحيحة، فعاسور الناجي من أكثر المدونين غزارة في التدوين و نصوصه صحيح نُركز على الجوانب المظلمة و المتخلفة للممارسة الدينية و ليس بهذه الطريقة يمكن توجيه النقد لما يكتب بل بالتعرض نصًّا بنص و تحليل ما جاء فيه. و هنا أضم صوتي لصوت زياد في تفنيد ما ادعيت به من تمجيد إسرائيل و هذا لا يتعلق بعاشور وحده بل لكل من وقع تصنيفهم كأغبياء أو يحاربون الغباء بالغباء. إن ما يتميز به عاشور الناجي هو ثباته على مقاومة الفكر القروسطي الذي يمرره الإسلاميين في مشروعهم المجتمعي و السياسي و إن كان هناك رد أو تفنيد لحججه فليكن الحجة بالحجة لا الهروب إلى الأمام و الإدعاء بأن هذا المدون هو من العملاء لإسرائيل فهذا ليس بالمحاججة أو بالبرهان. وبقطع النظر أن نكون متفقين معه أم لا فلابد أن يكون الجدل معتمدا على عناصر خطاب مؤكد فيما يكتب لا على ادعاءات على انتمائه و هويته و لمصلحة من يكتب خاصة إذا لم تتوفر الأدلة القطعية لدعم هذه الإدعاءات.
سفيان اسف ، اما مضطرّ نقلّك برّ اعمل مدوّنه تمنيك فيها عالعباد كيما تحب..ما تتمنيكش هنا
ياخي إنت ماكش سألت و قلت عاشور شنوّة، و شنيّة إتجاهاته السياسيّة؟ أنا عطيتك رأيي كيما الأخرين
لكن كان إنت حلّيت مدوّنة باش تعطي
دروس و تشد بوليس، هاذيكة حاجة أخرى
يعني إلي يسب ماهوش باهي، إلّي يقول طابور 5 ماهوش باهي، إلّي يتكلّم كيفي يتسمّى يتمنيك،
إكتبلنا قانون و دستور متاع تدوين، كان هكّا
@ عاشور
ما نراش داعي للتنرفيز :).. و كلمة انت شنوّة .. متداولة عندنا بمعنى شنّوا توجّهك و ميولاتك الفكرية .. ما قصدتش بيها تشييء ليك كيما فهمت
و لوكان ما جيتش عندك اهمية بالنسبا ليّ..ما نسألكش اسألة كيف هكّاكا
ايه قبل ما ننسى
لا .. هاذيكه فركه .. ماهيش حصان
@azwaw
صدّقني لا عندي حتّى نية تصنيف و طوابير و بيعات فارغة. انا عبّرت في تدوينتي لـخّرا على رفضي للتصنيف
ماظابيّ ما يولّيش كل واحد ينقد الجماعة اللي صنّفتهم مدونة الطابور هو زاده طابور ، هكّاكا نولّيو نبلبزو
انا متأكّد اللي عشرات المدونين يتساءؤلو في نفس تساؤلاتي انا في خصوصو اما خاطر انا تساؤلت بصوت مرتفع، هاني قاعد نتحاكم
@ sofiene
سألتو هوّ ما سألتكش انت .. يعني اذا باش تسمح لروحك تجاوب في عوضو .. التزم الادب كيما ازواو و زياد
من غير تمنييك و استفزاز و ترنكوش و تفاهات و لوغة ماسطه
سفيان
حتّى كي نكتبلكم دستور تدوين ماهوش باش يشملك
ياخي انت مدوّن اصلا ؟؟؟؟؟
انت معلّق .. تحوّس منّا ومنّا و تشري في الشبوك للناس الكل
هاذا ما لاحظتو عليك توّا مدّة
تعمل مزية يا جني ورينا نص عاشور كتبوا يمجد فيه في الصهيونية
anonyme
التمجيد راهو موش باسلوب شعبان عبد الرحيم و الا لا
موش باش يجي في تدوينه و يقول
انا باعشق اسرائيل
اما كتوجّه عام للمدونه
و بعد ما امتنع هو على التعامل الجدي مع اسئلتي
مانيش باش نبقة نحكي كان مع الانونيمات
هيّا مبروك عليك الخدمة الجديدة، كيف
قتلك راك شادد بوليس ماكنتش غالط مالا. شنوّة سيفيل و إلا بالزّي؟
و إنت قاعد تحاسب في المدوّنين و المعلّقين، و ما نتصورش إلّي المدونين الأخرين جاو تشكّاولك منّي
Salut tout le monde, je suis un suiveur assidu de la blogsphère et je peux estimer avoir fait une idée sur les orientations des bloggeurs.
Tout d'abord, ce que je reproche à certains c'est de tomber dans la "solidarité imposée". j'explique, si A et B sont en oppositions d'idées et orientations avec C, ceci ne doit pas empecher une oppositions entre A et b et ceci n'amène pas forcément à être solidaire "forcé" avec B quitte à le faire au détriment de ses convictions et idées. (ceci est un message à un bloggeur que je respecte énormément).
J'ai dit ceci, car même si par exemple je suis contre les islamistes et les arabistes, ceci ne m'empêche pas à douter de certains bloggeur ou de dénoncer les idées d'autres qui sont dans l'apperent dans la même ligne d'idées avec moi.
Je donne un exemple. Il y a es bloggeurs qui ont montré une répugnance anormal envers ceux qui ont sifflé l'hymne français. Parmis eux, el manchou, zabrat, 3achour et 3ayyech et ce avec des degrés.
Il y a meme ceux qui se mettent à surestimer voire même à devenir des lèche-cul des français, européens etc... (Je leur rappelle que le passé très récent des français par exemple et leur colonisation a été basée sur la religion, pour dire que meme la france es dirigé par le catholicisme (la gare ferroviaire de tunis construite par la france est sous forme de croix)
Revenant à 3achour, je doute fort que sa critique au qazwardi n'est qu'une façon pour dire "hani m3akom la tansewni".
هذا مقتطف من تعليق له عند براستوس هنا : http://kahaw.blogspot.com/2009/01/blog-post_11.html
لا لو كنّا ننطلق من فكرة أن إسرائيل كلها بشعبها و حكومتها عصابة غاصبة لأرض لا حق لها في الوجود ، و لا حتى في حدود 67 التي اعترف الفلسطينيون أنفسهم بها ، ساعتها فقط يمكن أن أفهم موقفك و هو نفس موقف من هاجم بورقيبة و حرق سفارات تونس بعد خطاب أريحا ،
بالنسبة لي لإسرائيل حق الوجود في حدود آمنة تماما كفلسطين
فضلا على وصفه لاعتداءات الاسرائيليين على قطاع غزة بـ"مجرّد هجوم" في مدوّنة ارتيكيلي اللي للاسف حذفها
Enregistrer un commentaire