زعمه علاش ؟؟؟؟ ـ
واللهي انا لتوّ مْــرهْــوج و داخل بعضي
فجاة لقيت روحي ما نّجمش ندخل لمدوّنتي .. دنيتي .. عالمي .. بلادي .. حومتي .. دشرتي .. وطني .. على خاطر انا مدوّنتي بالنسبه ليّ حاجه مهمّه .. مهمّه برشة .. كيما حكيت في اوّل تدويناتي انّي المدوّنه عاونتني باش نتخلّض من برشه قلق عشتو في حياتي زايد باش نرجعلو... لكن ما نخجلش من ذكرو
امّا علاش
...
ياخي اش عملت ؟؟؟ـ
زعمه خاطر انا تحمّست مع أهل الرديف و شاركت الاصدقاء في حملة الاحتجاج و التدوينه الحمراء الغاضبة ؟؟؟؟ باهي .. هاو موش كان انا ...
زعمه خطأ تقني ؟؟؟؟ زعمه ناس اخرين ؟؟؟ دخلو للبلوغسفير جدد ؟؟؟؟ و عندهم مكتب متاع قرصنه ؟؟؟؟ و متاع حاجات اخرى ؟؟؟؟؟؟ سوف نرى
الله اعلم
نحب نشكر كل من افتقدني و كل من سأل عليّ .. و بالخصوص براستوس و عمروش و ارابيكا .. وباقي الاصدقاء
6 commentaires:
اهلا بجنى القصعة هههههههههه هكة نحبك ما تفرهمشي بغيابك وواصل معانا حتى الموت :))
اما حلوة ياسر حكاية جنى هذى ههههههههه جات في السياق هايلة أبدعت
remarhba
يا مرحبا يا مرحبا
من ساعة ساعة يجي الفرج
اتوحّشناك
مرحبا .. مرحبا .. بيكم .. و بيّ زادا ..ههههه
رغم الّي ما سمّيتنيش من جملة أصدقائك أما حتّى أنا فقدتك و فقدت مشاكساتك المحَرْرَة، و كتبت هِجَاء في عمّار على خاطركم أهوْك الـحَيّ يروّحْ
و الله لا يا ولاده ...ما تلومش .. .. راهي عفويّه .. والله الكلّ اصدقائي .. يعيّشك ....
Enregistrer un commentaire