استدعاني نسيبي للعشاء في دارهم .. قبلت الدعوه و قلت الواحد يمشي يبدّل الجو .. مع ناس اخرين .. وجوه اخرين .. حديث جديد .. المهم تكسير روتين خفيف و برّة... السلام... السّلام... مرحبا .. مرحبا .. و بيك يعيشك .. زارتنا البركه .. تفضّلو .. عسّلامه .. ..........يد من الأيدين ما تمدّتليش كي مدّيت ايدي باش نسلّم على مولاتها .. ... يااااا ... مابلدني .. مسكينه عندها إعاقة و انا مادد كسرتي حاشاكم من غير ما ننتبه ... لا ... موش معقول ... ت شبيها سلّمت على المادامه ... ماهيش معاقه ... شنيّ الحكايه ... والله لا بيني و بينها شي .. باهيشي .. ما حبّتش تسلّم عليّ ..آنا بالذات ؟؟؟حلوّاشي ؟؟؟؟ علاش ؟؟؟؟؟ ـ
ما نخبيش عليكم .. عرقت و حمرت و خضرت ..... و مشيت شديت بلاصتي و قعدت نهضّم في اللي جرالي .. و نلعن في هالضيافه ... و من غير ما نوصفلكم... حالة واحد تعرّض لموقف كيف هكّه في دار الناس
انا هكاكه .. و جا بحذايا نسيبي اللي انتبه للمظلمه اللي صارت عليّ و حبّ يلطّف منها و قالّي : ما تحط شي في بالك .. هاذيكه راهي قريبتنا تخدم أعاره في السعوديّه و جات فاكانص ... و متديّنه
ياليتو ما برّرلي الحكايه
يا ليتو خلّاني هكاكه .. راني قلت : ما عجبتهاش فاطشتي .. دونك ما سلّمتش عليّ ... هي حرّه
إعاره ؟؟؟؟؟ زعمه الكنتراتو متاع العمل اللي عملاتو مع السعوديين ينص على انّو الرجال و الزمان مافيهمش امان و ما يلزمش نسّلّمو عليهم
اش ما دخّل الاعاره في انّها تحطني في الموقف هاذاكه
زعمه فمّه بند في الكنتراتو ..يقول انّهم الرجال ديمه خباث...و ... على اللمسه ...........................ـ
يا رسول الله .... يا رسول الله .
زعمه قدّاش من ضحيّه قبلي جرالهم معاها ما جرالي .. ؟؟؟؟
متديّنه ؟؟؟؟؟؟؟؟ ياخي رسولنا موش قال و إذا حييتم بتحية فردّوها او ردّوا بأحسن منها ؟؟؟؟؟والا حاجه كيف هكّه
و مبعد ... قعدت نحمد في ربّي و قلت جاب ربّي ماهيش عواشر و اعياد .. لتالي راني مدّيت خليقتي باش نعيّد و نبوس ...و راهو تقام عليّ الحد لاني مسيت شرف القبيله الكل
بربّي نحب نوجه دعوه ليها و لأمثالها باش كيف تبدا عندكم ضيفان .. و انتوما ما تحبّوش اشكون يمسّكم .. تقولش عليكم كان انتوما عندكم ما يتمس .. اكتبو أردوازه ...عرفتوها الأردوازه ؟؟؟ لـَــوْحـَـه .. هاك اللي يقراو فيها تلامذة الابتدائي .. و اكتبو فيها الطباشير : ممنوع اللمس .... والا ... بلاش تبوسني في عنيّ ..و آقفو بعييييد و أرفعوا الألواح ...يظهرلي هكّه خير من تمرميد الناس
14 commentaires:
salut , j'ai eu la meme mésaventure avec un collégue de travail , je suis enseignante , un jour en allant à mon établissement , c'était le vendredi aprés midi , je donnais des cours vers 13h , en garant ma voiture devant la fac j'ai rencontré un de mes collégues qui sortait pour aller faire la priére du vendredi-je ne le savais pas - je lui ai tendu la main pour le saluer , il a dit non désolée ena metwadhi...mon dieu , je ne savais plus quoi dire , ni quoi faire , franchement c'était humiliant et j'ai pas eu la présence d'esprit pour réagir ...des fois certaines situations nous dépassent , en tout cas pour ma part j'ai été dépassée par cette réaction de mon collégue avec qui j'avais des rapports cordiaux ..7assilou klitha fi 3dhami we sketet , la semaine d'aprés je lui ai dit rani ma non9odheche loudhou ,si il ya un probléme il est dans ta tete , ce sont tes idées malades qui t'empechent de tendre la main à une collégue pour lui dire bonjour ..rabi yehdi
هى في اعارة واعارة فيها حروف "العورة" الكل من كارها احتجت على التسمية بالمرة ورفضتها تحت بند المساس باى حاجة تتمس
الله يرحمك يا حدّاد
الله يرحمك يا بورقيبة
يبارك فيك يا جعيّك
المرض مغلغل وضارب اوتادو في الامخاخ الساكنه بالهواجس المرضيّة
وتعيش وتاكل غيرها يا جنيّ
:))
نقصد جعيط هشام
:))
خطىء مطبعي من الحماس الزايد :))
ههههههههههههه
بدون تعليق
@frany
و اللاهي ما خيرش من الواحد يتصرّف بتلقائية و طبيعية .. لا خبث و لا مبالغة في الخوف من الخبث ههههه
@ anonyme
نشعف
هههههه
ولا مازلت نمد يدي لوحده منهم ههههههكان كي تبدا هازّه لردوازه متاعها
ههههههه
@hnani
توّ هكّه يا هناني ؟؟؟؟؟؟
ههههههه
تآنا مازلت نمسح في العرق من التهنتيله
وانت تضحك ؟؟؟؟
ههههههههههه
تي هاكي الحركات متاع وحدة تحب تتموقع و تقول أنا هنا و جيت من بلاد بو كشطة .. باقي لاباس كيفي ميش قطوس في شكارة كحلة كيمة جماعة السعوديّة اللّي جاية منها
pourkoi tout se catastrophier s'indigner d'un tel comportement, il faut accepter ce qu'elle veut et faire ce que vous voulez!!!
le dicton dit:" itha lqit wahid rakib 3la jrida qoullou saha el 7san"
w "lakoum dinokom wa lia din"
dernier anonyme
ça n'a rien à voir m3a lakom dinokom wa liyya dini
hedhi todkhol fi
آداب التسليم
ya3ni 9ellet torbya
figure toi une chose pareille m'est arrivé avec une finlandaise que j'ai rencontré la premiére fois,selon elle leurs culture les empeches de toucher les autres,matenbeztech mais ehtaramt sa culture,
le prophéte à parler de dire attahiya et pas de tendre la main ,faut bien lire ce que tu as écris moudir !
à voir ton post tu ne respecte pas les croyances et les exigences des autres ,comportement typique tunisien ;)
hayya annesstou
هو كان بديت بالبوس في الاول وقتها تضمن على الاقل مدان يدها .اطلب الغالي تحصل على الرخيص
يا بوناظم ياخى في دوز تسلمو عالنساوين بالبوس
أرزن شوي راك مرزوقي
خلي نكونو واضحين
علاش هي ما مد
تسليمه متاع زوز ثواني تتقابل فيهم يد انثى و يد ذكر ... كافيه بالنسبه لهالبهايم باش تتسبب في اثارة جنسية ... لا تحمد عقباها .. وكيف تحمد عقباها مع البهائم
......
البهائميّون .. عمائميّون او لا يكونون
J'ai cette mésaventure avec mes cousines à chaque fois qu'on se rencontre au point que je ne sais plus si pour leur souhaiter un joyeux Aid si je dois envoyer juste un sms pour qu'au moins avec un simple "Woudhou2" elle pourra se débarrasser de mes traces :D
Enregistrer un commentaire