قالك ياسيدي .. مسؤول كبييييييير زعمه باش يزور ولايه دخلانيّة .. ايّ سيدي .. ما نحكيلكمش على التحضيرات .. بما انّو الخوف يعلّم السبق.. البلايص اللي كانت ما تنبّتش الهندي .. نبّتت القازون .. و حتى القازون بيدو مسكين .. استغفر الله .. من الخوف و الرعب .. من حينو رفرف ..
الطرقات المحفوره تعملت بالتابّي و الانرّوبي .. العلامات و الزينه .. و تخبية العيوب بالزنك المدهون .. و الديار اللي على الطريق الرئيسي دهنولها واجهتها بلاش .. مادامهم في خدمة الشعب ..
المسؤولين الكبار .. اللي كانو ما يخالطوش الرعاع .. تشوفلهم يدهكو و يلهطو و ذراعك يا علاف و عروقات شترلّه و جري و لهيط و الناس الكل ولّات سواسيه كاسنان المشط .. رئيس البلديه يحكي مع الدهّان و يستشير فيه في زيادة اللون الفولاني..الحق الحق .. جا لبالي يوم الحشر .. ماو قالك تبدا الناس الكل مغصوره .. و ماعادش فيها غني و فقير و مسؤول و زوّالي
الزواوله .. وجوههم مستبشره و عندهم آمال كبيره في انها هالزيارة باش تتمخض عليها انجازات و مشاريع ...و...و تستنفع منها منطقتهم ..و المسهولين .. وجوههم مرعوبه .. خاطر هوما اللي في الواجهة .. و خاطرهم الكلهم بعمايلهم .. و سعدك يا فاعل الخير ..
هوما هكاكه ..و تتجيهم معلومه مفادها انّها هالزيارة تلغات
.........
دونك .. علاش تضييع الوقت في الخطب على التنميه و الاصلاحات و التضامن و ...و... ماهو كلّ ساعه نهدّدو منطقة معينه بزيارة .. تو تنهض بروحها شوي
الطرقات المحفوره تعملت بالتابّي و الانرّوبي .. العلامات و الزينه .. و تخبية العيوب بالزنك المدهون .. و الديار اللي على الطريق الرئيسي دهنولها واجهتها بلاش .. مادامهم في خدمة الشعب ..
المسؤولين الكبار .. اللي كانو ما يخالطوش الرعاع .. تشوفلهم يدهكو و يلهطو و ذراعك يا علاف و عروقات شترلّه و جري و لهيط و الناس الكل ولّات سواسيه كاسنان المشط .. رئيس البلديه يحكي مع الدهّان و يستشير فيه في زيادة اللون الفولاني..الحق الحق .. جا لبالي يوم الحشر .. ماو قالك تبدا الناس الكل مغصوره .. و ماعادش فيها غني و فقير و مسؤول و زوّالي
الزواوله .. وجوههم مستبشره و عندهم آمال كبيره في انها هالزيارة باش تتمخض عليها انجازات و مشاريع ...و...و تستنفع منها منطقتهم ..و المسهولين .. وجوههم مرعوبه .. خاطر هوما اللي في الواجهة .. و خاطرهم الكلهم بعمايلهم .. و سعدك يا فاعل الخير ..
هوما هكاكه ..و تتجيهم معلومه مفادها انّها هالزيارة تلغات
.........
دونك .. علاش تضييع الوقت في الخطب على التنميه و الاصلاحات و التضامن و ...و... ماهو كلّ ساعه نهدّدو منطقة معينه بزيارة .. تو تنهض بروحها شوي
9 commentaires:
السلام خويا البوهالي ومرحبا بعودتك
منتصورش جماعة عندهم مكتب متع قرصنة الي ضربولك المدونة
عللى خاطر الجمعات هذوكم كي يضربو يعلنو على انفسهم
هيا تو نبقيك وربي معاك
يعيّشك
اما ما دام قالوها بافّامهم اللي هوما يهددو بالقرصنه .. و بالاساليب الرخيصة اللي هي دليل افلاسهم
........ ..
حقّا ..
تهام قالولي ولّيت تكتب في القرآن حتّى انت ..
......
شنيّه ؟؟؟؟
ههههههههه
باش تدوّرها كفر حتّى انت
هههه
و الله نتفاهم معاك
انا راني صحيح نكره الخوانجيه .. اما نحب دين الاسلام
اهلا جنّي .....
ههههههههه
حلوّه يااااسر منك .. جنّــي هاذي ...احنا كيف واحد يموت و يعاود يقوم .. نقولو فلان استدرج
على كلّ حال .. مرحبا بيك من جديد يا خويا البوهـــ.......لا عاد .. يا خويا الجـّـنـّــي
اش باش تعمل
ردوني خوانجي
و منبعدها ردوني نكفر في الناس
و اليوم رادوني انا كافر
هههههههه
ناس متعرفش انماط الكتابة في الوغة العربية
كان السجع يردوه قران على الدنيا السلام
برسطوس
مندلا ماخو كونجي غدوة
ما كمّلتلناش الحكاية، الدهان كمّل الدهينة ولا لا؟
هناني
اولا مرحبا بيك بصفه خاصة في البلوق الجديد و زيارتك ليّ راهي عزيزه برشه .. ربّي يشدّلك في العايله الكل
.....
الدهّان ما كمّلش .. والبلاد ولّات مبلبزه ..نص مزينه و نص لا ههههه
haya zaretna el barka
:)
hedheka 7al elli khayef 3al korsi mouch khayef 3ala bledou :)
اهلا بيك
stupeur
مرحبا
ahla bezzamil fel kife7 :)
Enregistrer un commentaire